Sælinú, allt að gerast, búinn í prófum, búinn að fá úr 3, náði þeim en hefði samt mátt vera hærra. Byrjaður að vinna, brjálað að gera, ekki veitir af því ég var að kaupa mér bíl, gjörsamlega brilliant SAAB 95 árgerð 1999, lítið ekinn og lítur út eins og nýr.

Ca. svona lítur bíllinn út, þessi litur og útlit en aðeins öðruvísi felgur. Óhætt er að segja að ég er í sjöunda himni yfir þessu tæki og hvet fólk til að biðja mig um rúnt.

Þeir sem mig vita að ég elska SAAB, einfaldlega af því að þetta eru bestu bílar í heimi. Þetta er ákveðin þroski, vitneskja, eitthvað sem skilur okkur SAAB eigendur frá hinum, við vitum meira, Dötti skilur þetta. Líka konan sem ég keypti bílinn af, hún var að skipta honum út fyrir SAAB nr. 15 í röðinni, flott kona.

Vinnan er mikil, það er svo mikið af túristum hérna, og lítil börn verða að fá að skoða sveitina. Það er gríðarlega hressandi að vera byrjaður aftur að vinna, þrátt fyrir mikið álag er þetta alltaf jafn skemmtilegt starf, skemmtilegur félagsskapur.

Jæja, borða, bóna bílinn og e-ð, bið að heilsa.

Nú í morgun, á leið minni í skólann, varð ég vitni að mjög pirrandi atviki. Lendi á rauðu ljósi á gatnamótum Miklubrautar og Lönguhlíðar, og er þar næsti bíll á eftir lögreglubíl sem var fremstur. Þar sem við lendum á rauðu kemur grænt ljós á þá sem ætla að beygja til vinstri upp Lönguhlíð. Þar er líka skilti sem bannar u-beygjur. Einn bíll er á beygjuljósunum en í stað þess að fara upp Lönguhlíð tekur hann u-beygju og brunar til baka Miklubrautina. Maður hefði haldið að lögreglan hefði nú skipt sér e-ð af þessu þar sem hún sat þarna í prima stöðu til að sjá þetta allt saman, og ekki var hún í útkalli. En neinei, þetta getur hún látið afskiptalaust en finnst nauðsynlegt að sekta mig um 10.000 krónur fyrir að keyra á 63 km. hraða á Nýbýlavegi!! (nei ég hef ekki ennþá gleymt því og já, ég er ennþá reiður)

Helv. djö.......

Jæja, læra meira.

Horfði á hluta af ungfrú Reykjavík í gær, enda mikill áhugamaður um konur og kvenlega fegurð, enda karlmaður.

En eitt sló mig. Hvað er málið með útlitið á stelpunum? Er þetta afleiðing fjölgunar á snyrtifræðingum? Það að stelpur líti út eins og plaststykki með svart strik yfir augunum er bara ekki flott, þetta gervilega útlit með glansandi andlitsmálningu og yfirskömmtun á brúnkustöffi er bara ekki að virka, þetta var ekki svona fyrir nokkrum árum, þá var útlitið öllu náttúrulegra, þó svo að það sé ekkert ýkt náttúrulegt að rölta um á bikiníi og háum hælum, en mér er nokk sama um það. En svona plastdúkkumálning er bara ekki að gera sig, því miður.

Heil og sæl.

Í því sem ég sit í Öskju og reyni að glósa uppúr Þjóðhagfræði bókinni minni fannst mér tilvalið að blogga dulítið, því ég á gríðarlega erfitt með að einbeita mér.

Páskarnir eru nýafstaðnir, þeim eyddi ég að mestu heima í lærdóm, kvöldið fyrir skírdag fór í það að dæma 2 bjórtegundir, Rock og Asahi, með BjórBandalagi Björns Bjarnasonar, eða B.B.B.B.

Þess utan var ég bara að læra um páskana. Á páskadag kíkti ég reyndar á ættaróðalið í Víðihlíð þar sem stórfjölskyldan kom saman til framkvæmda og samveru. Sá stutti tími sem ég eyddi þar var ljúfur, enda alltaf gott að koma í Víðihlíð með góðu fólki.

Sunna, Maggi, Júlía og Tumi Þumall rokin aftur til Sverige en þau láta nú sjá sig aftur í maí. Ekkert svo langt þangað til.

Fyrsta prófið er 23. apríl eða eftir 12 daga..... tæpar 2 vikur...... FOKK.

Aftur að bókunum, takk og bless.

Formúlan byrjuð að rúlla og fór glæsilega af stað í Ástralíu

Hvað er samt málið með að hafa Finna á bakvið stýrið í Ferrari?? Þetta bara passar ekki. En það er nú samt alltaf jafn gaman að heyra Finna tala ensku, þetta er sennilega eini enski hreimurinn sem er fyndnari en sá íslenski.

Það að Ingó, sem eitt sinn bjó á Egilsstöðum, skyldi bæta mér í vinasafn sitt á moggablogginu fyllti mig orku og sjálfsöryggi til að halda áfram að skrifa þar, en ég ætla samt að skrifa hérna líka. Hægfara yfirtaka á internetinu.

Slóð á http://thorduringi.blog.is 

En s.s. hér mun bitri, kaldhæðni, óþarfi og almenni doddi skrifa en restin af dodda mun skrifa á moggabloggið eftir því sem hann nennir.

Þetta endar náttúrulega bara með sálardauða og falli í öllum kúrsunum sem ég er í.

..... að koma þessu bloggi af stað aftur. Mig langar að blogga, hef bara verið of latur við það. Nú verður tekið á því fjandinn hafi það, ekki snúa baki við mér, haldið áfram að lesa, hér verður bloggað ég LOFA!!!

Þvílík endalaus gleði, þvílík endalaus hamingja, uppáhalds hljómsveitin mín til margra margra ára er að koma til landsins, og ég er búinn að tryggja mér miða, það eina sem veldur því að ég valhoppa ekki niður Laugaveginn er sú staðreynd að ég er að fara í 3 próf á 4 dögum eftir helgina. Helv..........

Hver er annars að fara?? Hver kemur með??

Prófgeðveikin er að ná hámarki, búinn að taka 2 próf, vona að það hafi reddast. Tölfræði 2 prófið var með þeim erfiðari sem ég hef séð. Ég hef annars voða lítið að segja þessa stundina og hvet ykkur bara til að hugsa fallega til mín.

Gangi mér vel.

... því hún á afmæli í dag. Margfalt húrra fyrir því.

Ég er hins vegar staddur í skólanum að læra fyrir prófin sem nálgast... og nálgast. Það þykir mér miður og ég er orðinn gífurlega stressaður fyrir þessi próf.

Sturlunarstuðull Tölfræði 2 er gríðarlega hár.

Góðar stundir.